Moanskene konnen bit in’t hooge Oaler leere

HAMBUURICH – Leere is bit in’t hooge Oaler muugelk.

Uutwoaksene leerden innerdoat loangsoamer as Jungfoulk, man wuddelk läiper geen dät eerste mäd uur tachentich Jiere, begjuchted dät Magazin „Zeit Wissen“ in sien näie Uutgoawe unner Beroupenge ap wietenskuppelke Studien. Dät skäl fon’t Klavierspieljen bit tou dät Sköäweljen jäilde.

„Me kon ju Brainge trainierje as aan Muskel – dät heele Lieuwend loang“, kwäd die Äntwikklengspsychologe Ralf Krampe.

Innerdoat häbe ätter dän Begjucht leet leerende mäd een läiper Koordinations- un Konzentrationskonnen kampje, motoriske Swäkte konnen jo oaber oafte deertruch uutglieke, dät jo wät bewisder dwo.

Äntwiklengspsychologen gunge derätter derfon uut, dät dät junge Uutwoaksenenoaler bit sowät 45 Jiere  duurd, dät inne Midde bit 65 Jiere. Eerste derätter kuude fon „Oaler“ boald wäide.

Wälle: dnews.de

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.