Mubarak häd sien Amt deellaid!

Näis uut Ägypten: Ätter do loange Proteste juun ju ägyptiske Regierenge häd Husni Mubarak ap n 12. Februoar 2011 sien Amt as Präsidänt, dät hie al sänt 1981 hiede, deellaid. Dät kwad Vizepräsidänt Omar Suleiman ap n Fräindai, n 11. Februoar  in’t stoatelke Wiedkiekjen. Hie kwad uk, dät Mubarak dät Militär ju Apgoawe roat häd, ju Macht tou uurniemen.

Deertou lät sik kweede, dät dät Militär ju Macht al häd. Dät Militär stoant (touminst noch apstuuns, af dät so blift, wol ju Toukumst wiese) ap ju Siede fon do Demonstranten. Dät waas deertruch muugelk, dät dät Militär aal ju Tied täämelk uunouhongsk fon ju Regierenge waas (so tou kweeden n Stoat in n Stoat).  So kuude sik dät Militär skutsend foar do Demonstranten staale un waas neen Woape in ju Hounde fon dän Diktator.

Nu blift tou hoopjen, dät die Militär-Räid, die hoast ju Macht in Ägypten häd, dät Lound uk in ju Demokratie fiert insteede fon een näie Diktatuur aptougjuchten.

Touminst do Ägyptere skiene optimistisk tou weesen: Jo skällen ätter wäkke Bigjuchte in Bliedskup bruurelk mäd do Suldoaten truch do Sträiten luuke.

2 thoughts on “Mubarak häd sien Amt deellaid!

  1. Während Ägypten über die Zukunft von Ex-Präsident Mubarak diskutiert, gibt es neue Berichte über seinen Aufenthaltsort: Mubarak und seine Familie seien bereits am Freitag in ein arabisches Emirat ausgeflogen. 30 Jahre haben die Ägypter die Diktatur erduldet, ich bin mal gespannt ob der Mubarak sein Geld noch in Ruhe ausgeben kann. Ich glaube nicht.

    1. Iek leeuwe, dät is nit dät interessanteste, af un wo Mubarak nu bistroafed wäd. Wät skäl die oolde Käärdel noch groot ferbreeke? Fonsäärm waas dät gjuchtfäidich, wan hie touminst dät Jäild, wät hie uunfertjoond kreegen häd, touräächbitoalje moaste – af dät Sin moaked, him noch ientouspeeren, wol iek bitwieuwelje. Apstuuns skuulen do Ägyptere ljauer appaasje, dät dät Militär ap hiere Siede blift – insteede dät jo sik uum ju gjuchtfäidige Stroafe foar n Mon suurgje, dän jo al bisieged hääbe.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.