Schlagwort-Archiv: featured

US-Regierenge in Apruur weegen Wikileaks

WASHINGTON – Ju US-Regierenge häd Nood uur dät muugelke publisierjen fon Geheimdokumänte uut dät Buutenministerium ap dät Publikationsplatform Wikileaks.

So as Ättergjuchteseender ntv kwad, häd dät Pentagon dät US-Kongres al per E-mail deerfoar woarskauget dät do Papiere “n groote Sponbreedte an gjucht sensible buutenpolitiske Themen“ berüürje.

Ju Ättergjuchteagentuur Bloomberg kwad dät muugelk al am 26. November Hundertduusende interne Papiere uut dän State Department eepentlik wäide.

Sail 2014 in Fräislound

Die Meenteräid fon ju wäästfräiske Hoawenstääd Harns is ienfersteen uum Starthoawen tou weesen foar do Tall Ships Races bie dät groote Sail-event Sail 2014. Deermäd häd dän Räid ju Betjuudenge fon ju Regatta foar ju Stääd in dät noudwäästen fon ju Provinz unnerskrieuwen. Die Meenteräid wüül nu 200.000 Euro foar ju Ferounstaltenge tou Ferföigenge staale. Wieder 200.000 euro wäide do Organisatione as n ranteloosen Krediet tou Ferföigenge staald.

ISS suurget foar ‚UFO-Effekt‘

Wäl in do naiste Deege buutegewoonelke Ljoachte an dän Heemel sjucht, mout nit glieks an UFOs leeuwe. Dät kon uk ju Internationoale Ruumstation weese, weerfon ju naiste Uurfljuchphase stuuns begint.

Dät is muugelk, dät truch ju Erskienenge meldenge moaked wäide fon nit indentifizierte Fljuchobjekte. Dät waas bie ju lääste Uurfljuchphase fon ju ISS bie dät Foutbalmästerskup in disse Suumer uk so weesen.